|
Hýsing
Hýsing felst í því að Stjórnun ehf. tekur alfarið að sér
viðkomandi þjónustu.
Mjög hefur færst í vöxt að fyrirtæki sjái sér hag í því að fela
utanaðkomandi sérfræðingum umsjón með tilteknum þáttum starfseminnar.
Þetta hefur verið nefnt úthýsing á íslensku (e. outsourcing).
Stjórnun ehf. býður upp á hýsingu
framkvæmdastjórnar, starfsmannamála og skrifstofuhalds.
Með því að fela sérfræðingum umsjón með hefðbundnum störfum
stoðdeilda gefst stjórnendum meira tóm til að einbeita sér að
kjarnastarfsemi sinni, þar sem hin raunverulega verðmætasköpun
fyrirtækisins á sér stað. Reynslan hefur sýnt að um leið næst fram
kostnaðarlækkun, þar sem sérhæfð þjónustufyrirtæki eru betur í stakk
búin til þess að ná fram hagræðingu. Vegna sérhæfðra starfsmanna
má búast við auknum gæðum og skilvirkari upplýsingum. Að
auki fá stjórnendur aðgang að þekkingu sérhæfðra ráðgjafa og öðlast
meiri sveigjanleika í rekstrinum, þar sem ýmis ófyrirséður kostnaður,
eins og við ráðningu starfsmanna, heyrir sögunni til.
|
