566-5555
Hafðu samband | Stjórnun ehf. - Ráðgjöf og bókhald
Um Okkur Stjórnun ehf.

Stjórnun ehf. – Ármúla 38, 108 Reykjavík

Stjórnun ehf. hóf rekstur árið 1995 og var stofnað af Jóhanni Pétri Sturlusyni, sem í dag er framkvæmdastjóri félagsins. Stjórnun ehf. hefur frá upphafi rekstrar aðallega þjónustað fyrirtæki á sviði bókhalds, launavinnsla og rekstrarráðgjafar. Rekstrarráðgjöf Stjórnunar ehf. byggir í grunninn á aðferðafræði „breytingastjórnunar“ og er rekstrargreining mikilvægur þáttur í slíkri vinnu. Í dag hefur firmasala bæst í hóp þjónustuþátta og tekur Stjórnun ehf. að sér ýmsa aðstoð við sölu fyrirtækja.

Jóhann Pétur er með MSc gráðu frá Háskóla Íslands með áherslu á „stjórnun og stefnumótun“. Meistararitgerð Jóhanns var um „breytingastjórnun“. Einnig er Jóhann með BSc gráðu í viðskiptafræðum frá Háskóla Íslands. Fyrir stofnun Stjórnunar ehf. hafði Jóhann öðlast víðtæka reynslu úr atvinnulífinu og meðal annars starfað sem framkvæmdastjóri 2ja byggingafélaga.

Páll Helgason hefur verið starfsmaður Stjórnunar ehf. frá stofnun félagsins og er í dag framkvæmdastjóri bókhalds. Páll er viðskiptafræðingur frá Háskóla Íslands, Cand oecon.

Einkunnarorð Stjórnunar ehf. er að „þjónusta fyrirtæki af öllum stærðum og gerðum með það að markmiði að veita úrvals þjónustu á samkeppnishæfu verði“

Félagið leggur áherslu á að veita persónulega þjónustu sem sniðin er að þörfum hvers og eins viðskiptavinar. Auðvelt er að ná sambandi við stjórnendur félagsins og komi upp staða hjá viðskiptavinum sem krefst snarpra viðbragða er unnið með stjórnendum viðskiptavinar með lausnamiðun og sameiginlegu átaki.

Árið 2011 flutti Stjórnun ehf. í eigið húsnæði að Ármúla 38 í Reykjavík. Þar fer vel um starfsemina í 160 fermetra húsnæði sem hentar vel til rekstrarins og er vel tækjum búið.

Starfsfólk Stjórnunar ehf.

© Stjórnun ehf. 2001 - 2014 - Allur réttur áskilinn